محشش بيحكى حدوته لأبنه

ا
السلام عليكــم ورحمـة الله وبركاتــة ،،


شوفوا ده محشش بيحكى حدوته لأبنه الصغير


المحشش: كان يا مكان من زمان كده قد شويه حلويين كان فى أسد شرانى
كان ماشى فى الغابه بياكل من الحشييييش المزهر

الواد الصغير: هو الاسد بياكل حشيش يابابا

المحشش : اسكت و انت ايش فهمك انت
و الاسد ماشى كده فى الغابه الشمس كانت صعبه اوى ماهو مفيش ولا ظل شجرايه واحد يقعد تحته

الواد الصغير : بقى الغابه مفيش فيها ولا شجرة يابابا ازاى دى كلها شجر

المحشش: كان زمان يا عبيط دلوقتى قطعوا الشجر كله عشان بيحتاجوا الخشب فى قعدات المزاج
هنكمل بقى فى ليلتك السودة دى
شاف قصاده السوبر ماركت قال لما ادخل اجيب ازارة حاجه ساقعه ابرد بيها على قلبى
دخل الاسد السوبر ماركت وقال للفيل هاتلى ازازة ميراندا و الفيل قاله عاوزها تفاح ولا فراوله
الاسد قاله اى حاجه بس متنساش الغموس عشان نعدل الدماغ
و فى الاخر الفيل اداله باكو شاى و مشى الاسد

الاسد طلع من السوبر ماركت يقول الواحد عصافير بطنه بتصوصو
اما اروح ادورلى على فريسه تكون حلوة كده و مقلوظه و فيها شبه من هيفاء وهبى

الواد الصغير : ايه يا بابا هيفاء وهبى ايه هو هيفترسها ولا هيبصبصلها

المحشش : اما انت غبى زى امك هو فى واحد بيفترس واحده الا اما يبصبصلها الاول يا حمار
حد وقع على بوزه الا ابوك
على الطلاق لو ما سكت ما هكمل اتكتم بقى
والاسد ماشى فى الغابه كده شاف ارنبه قاعده ع الكافيه و حاطه رجل على رجل

الواد الصغير : كافيه يا بابا ؟!

المحشش : أه كافيه يا حيلة امك اخرس بقى عشان اكمل
قال بس هى دى و جرى ناحيتها و قالها لو سمحتى يا قطه
الارنبه ردت و قالتله هه انا مش قطه
قالها انتى يا بطه قالتله هه انا مش بطه
قالها طب انتى يا بيضه ( و الارنبه لونها ابيض بقى )
قالتله ايوة كده حيوانات معندهاش نظر عاوز حاجه
قالها ممكن نلعب سوا عريس و عروسه
و انتى تعملى نفسك بتدلعى و انا اجرى وراكى و انتى تستخبى منى
و البوليس يجى يقبض علينا احنا الاتنين فى الاخر و نتمسك اداب
قالتله موافقه
قامت الارنبه خلعت الجزمه ام كعب بتاعتها عشان تعرف تجرى
و راحت استخبت ورا العربيه اللى فى اخر الشارع
و الاسد بقى مكار زى ما كل الغابه تعرف عنه مخبر عيه بس مفتحها فتحه صغيرة
عشان يشوف الارنبه هتستخبى فين

الواد الصغير: يابابا التعلب هو اللى مكار


المحشش : ماهو فضلوا يقروا عليه لما جابوه الارض يا دلوعة امك

انت ياد شكلك هتطيرلى دماغى اتكتم بقى
و اول ما الارنبه قالتله طيييييييييييييييير

الواد الصغير : هما بيلعبوا عريس و عروسه ولا عسكر و حراميه يا بابا؟

المحشش : واحده يا روح امك اخرتها سجن و خلاص
انت ياد انت مش قولتلك تخرس خالص عشان اخلص ام الحدوته اللى مش عايزة تخلص دى
راح الاسد بسرعه جرى ناحيه العربيه عشان يتهجم ع الارنبه
بس الارنبه كانت واعيه ماهى تربيه تعابين بقى خدت حذرها و اول ما الاسد قرب عليها
قامت جايبه مفرش السفرة و رمته على وشه
قام الاسد متلخفن جوه المفرش
و مرة واحده مراتاته الاربعه طلعوا من تحت السلم
و البوليس جه و مسك المخدرات
و عاشت الغابه فى سلام و امان

و اتخمد بقى ياد انت و روح و امك طالق بالتلاته