نكت (( تموت من الضحك ))

واحد محشش قاعد مع صحابه و بيحكي لهم : أنا مرة طلع لي أسد و كان في إيدي كباية مية رميته بيها الأسد طلع يجري رد عليه واحد من اللي قاعدين قاله صح أنا قابلت نفس الأسد ضربته بالقلم إيدي اتبلت.

فيه واحد عصبي قال لزوجته نكته قالت هاهاها بايخة قال لها هاهاها إنتي طالق .

واحد راح للدكتور قاله يا دكتور أنا عندي مشكلة فظيعة جدا بانسى بسرعة الدكتور قاله و المشكلة دي عندك من إمتى ؟ قاله مشكلة إيه .
مرة مهندس معماري حب يعمل نظارة عمل عين قزاز و التانية شيش .

مرة واحد واقف قدام الثلاجة بيفتح الباب بتاعها براحة و بيقفله تاني جه صاحبه و قاله ليه بتعمل كده قاله أموت و أعرف مين بيطفي النور من جوه .

واحد رخم عرف إن الأموات بتحس و بتسمع باللي بيحصل حواليها راح الترب و شغل الكاسيت على العالي بأغنية الحياة حلوه .

واحده قالت لخطيبها : رجالة كتير قوي هينتحروا لما أتجوز قالها : لييه ؟؟ هو إنتي هتتجوزي كام واحد ؟؟؟.

واحد بيقول لمراته لو اشتريتلك عربية تديني إيه قالتله أديك نص عمري قالها و شرف أمي لجيبلك اتنين .

واحدة عجوزة شافت جارتها فسألتها : إزاي جوزك الحاج ؟ ردت عليها : مات الأسبوع اللي فات ردت العجوزة قاتلها : مات إزاي ؟ قالتلها كان في جنينة البيت بيطلعلي كرنبة من الأرض علشان نتعشى فجاتله أزمة قلبية و مات في مكانه في الجنينه ردت عليها : يا عيني يا غلبانة ! و عملتي إيه في موقف زي ده ؟ قالت : أبدا و الله عملت السلطة من غير كرنب و حياتك .

مرة واحد من آكل اللحوم أخذ ابنه يعلمه الصيد . فاختبئا خلف صخرة كبيرة على طرف الطريق بعد شوية عدت بنت هزيلة جدا مش قدرة تمشي من شدة الهزال ، فقال الابن : دي نصيدها و ناكلها فأجاب الأب : لا يا ابني هذه لحمها قليل بالكاد يكفيك لوحدك دعها تمر ، بعد قليل مرت بنت سمينة جدا مش قادرة تمشي من ضخامتها فقال الابن : دي نصطدها و ناكلها فأجاب الأب : لا يا ابني دي كلها شحوم و دهن و ليس فيها لحم دعها تمر ، بعد قليل عدت بنت ممشوقة القوام متناسقة الأعضاء رائعة الجمال تقفز في الطريق كالغزال فقال الابن : دي نصيدها و ناكلها فأجاب الأب : لا يا ابني دي نصيدها و ناخدها معانا البيت و ناكل أمك .

عضو فعال عدد المساهمات : 97

الله عليك يامحمود
تسلم والله علي النكت الجامده ديه